Сайта кӗр | Регистраци | Сайта кӗрсен унпа туллин усӑ курма пулӗ
 +2.3 °C
Выртакан чул мӑкланать, ҫӳрекен чул якалать.
[ваттисен сӑмахӗ]
 

Хыпарсем: Ҫӗнӗ шупашкар

Пӑтӑрмахсем
"На связи" форумри сӑн
"На связи" форумри сӑн

Паян Ҫӗнӗ Шупашкар хули ҫуралнӑ кунне паллӑ тунӑ. Кӑнтӑрла иртсен, 14 сехет ҫурӑра, кивӗ Никольски чиркӗвӗ ҫунма пуҫланӑ.

Вырӑна пушарнӑйсем ҫитнӗ. Ҫӑра тӗтӗм тӳпенелле хӑпарнине ҫынсем нумаййӑн пӑхса тӑнӑ.

Кивӗ чиркӳпе юнашар ҫӗнни ларать. Телее, вӑл сиенленмен. Киввин вара тӑррин пӗр пайӗ ишӗлсе аннӑ.

 

Пӑтӑрмахсем
www.chuvash.org сайта маларах вырнаҫтарнӑ сӑнӳкерчӗк
www.chuvash.org сайта маларах вырнаҫтарнӑ сӑнӳкерчӗк

Ҫурла уйӑхӗн 22-мӗшӗнче Ҫӗнӗ Шупашкарта 5 ҫулти ача 9-мӗш хутран ӳкнине Чӑваш халӑх сайчӗ пӗлтернӗччӗ. Аса илтерер: инкек Юханшыв урамӗнчи 6-мӗш ҫуртра пулнӑ.

Ӗнерхи хыпарта ача чӗрӗ пулнине хыпарланӑччӗ те, анчах йӑнӑшнӑ иккен. Пӗчӗкскер куҫне ӗмӗрлӗхе хупнӑ.

Пӑтӑрмах хыҫҫӑн прокуратура ӗҫченӗсем тӗрӗслев пуҫарнӑ. Надзор органӗнче пӗлтернӗ тӑрӑх, профилактика органӗсем епле ӗҫлени таранах тӗрӗслӗҫ.

 

Вӗренӳ
cap.ru сайтри сӑн
cap.ru сайтри сӑн

Авӑн уйӑхӗн 1-мӗшӗнчен Раҫҫейре ҫӗнӗ вӗренӳ стандарчӗсем вӑя кӗрӗҫ. Унпа килӗшӳллӗн, шкул ачисем финанс пӗлӗвне ӑса хывӗҫ. Авӑн уйӑхӗн 1-мӗшӗнче Чӑваш Енре ҫакнашкал уроксем пулӗҫ.

Уроксем 9-11-мӗш классенче иртӗҫ. Республикӑра пӗтӗмпе 22 пин ача ҫак темӑна итлесе ларӗ. Шупашкарта тата Ҫӗнӗ Шупашкарта уроксене Финанс министерствин ӗҫченӗсем ирттерӗҫ. Ытти ҫӗрте вара – вырӑнти администрацисен финанс пайӗн ӗҫченӗсем, централизациленӗ бухгалтерире тӑрӑшакансем. Ҫавӑн пекех ку енӗпе нимеҫӗсемпе экспертсене чӗнӗҫ.

 

Пӑтӑрмахсем

Паян 15 сехет ҫурӑра Ҫӗнӗ Шупашкарта 9-мӗш хутран 5 ҫулти ача ӳкнӗ. Ку инкек Юханшыв урамӗнчи 6-мӗш ҫуртра пулнӑ.

Халӑх корреспонденчӗ «Про Город» хаҫата 15 сехет те 37 минутра пӗлтернӗ тӑрӑх, ача чӗрӗ пулнӑ.

Инкек вырӑнне васкавлӑ медпулӑшу, полици ҫитнӗ.

 

Пӑтӑрмахсем
ШӖМ тунӑ сӑн
ШӖМ тунӑ сӑн

Паян ирхи 6 сехет те 40 минутра Шупашкарти Гастелло урамӗ патӗнчи чарӑнура Ҫӗнӗ Шупашкара каякан 220-мӗш маршрутка ҫул хӗрринче ларакан фура ҫине пырса кӗнӗ. Салонра пассажирсем пулнӑ: пӗтӗмпе 10. 11-мӗшӗ – водитель. Юрать-ха, вӗсен йышӗнче ачасем пулман.

Водитель аманман. Пӗтӗм пассажира пульницӑна илсе ҫитернӗ. 4 ҫынна тухтӑрсен пулӑшӑвӗ кирлӗ пулнӑ. Ҫул хӗрринче ларакан фурӑна вара 1500 тенкӗлӗх штрафланӑ.

Хыпар ҫӑлкуҫӗ: https://t.me/mchs_chuvashia/1683
 

Ҫул-йӗр
foto.cheb.ru сӑнӳкерчӗкӗ
foto.cheb.ru сӑнӳкерчӗкӗ

Шупашкартан Ҫӗнӗ Шупашкара тата Кӳкеҫе ҫӳрекен маршруткӑсен маршручӗсен схеми улшӑннӑ. Ку хыпара республикӑн Транспорт тата ҫул-йӗр хуҫалӑхӗн министерстви пӗлтернӗ.

Муниципалитетсен хушшинчи 234-мӗш маршрут пассажирсене «Шупашкар-Ҫӗнӗ Шупашкар-Шупашкар» ҫулпа турттарать. Республикӑн тӗп хулинчи В.И. Чапаев ячӗллӗ производство пӗрлешӗвне кайнӑ чухне вӑл Энтузиастсен, Грасис, Граждан тата Социалистически урамсем тӑрӑх кайма тытӑннӑ; каялла ҫаврӑнса килнӗ чухне — Социалистически, Граждан, Эльмень тата Энтузиастсен урамӗсемпе.

Шупашкартан Кӳкеҫе хутлакан 325-мӗш маршрут «Хлеб» (чӑв. Ҫӑкӑр) общество патне ҫитет.

Улшӑну ҫурла уйӑхӗн 13-мӗшӗнчен вӑя кӗнӗ.

 

Хулара
ҪҪХПИ тунӑ сӑн
ҪҪХПИ тунӑ сӑн

Ҫӗнӗ Шупашкарта ватӑ пассажир троллейбусра аманнӑ. Ку 54-мӗш маршрутпа ҫӳрекен транспортра пулнӑ.

Троллейбус пынӑ чухне 72 ҫулти хӗрарӑм ӳкнӗ. Ахаль пулман – унӑн ҫурӑм шӑмми аманнӑ.

ҪҪХПИ транспортра пынӑ чухне порученьрен тытӑнса пымалли пирки асӑрхаттарать.

 

Пӑтӑрмахсем

Ҫӗнӗ Шупашкарта пӗр арҫынпа хӗрарӑм пушарта шар курнӑ. Инкек ҫурла уйӑхӗн 6-мӗшӗнче каҫхи сакӑр сехетре пулса иртнӗ.

Хулари Ҫамрӑксен урамӗнчи 8-мӗш ҫуртри пӗр пӳлӗм ҫунма пуҫланӑ. Унта пулнӑ арҫынпа хӗрарӑм сӗрӗмпе наркӑмӑшланнӑ. Вӗсене ҫунакан пӳлӗмрен илсе тухма пултарнӑ. Вӗсене вӑхӑтра пулӑшу кӳнӗ.

Пушара 15 минутра сӳнтерме пултарнӑ.

Ҫулталӑк пуҫланнӑранпа Чӑваш Енре 912 пушар тухнӑ, вӗсенче 54 ҫын курнӑ, 39 ҫын вилнӗ, 123 ҫынна ҫӑлса хӑварнӑ. Пушар 3 миллион тенкӗлӗх шар кӑтартнӑ.

 

Хулара

Ҫӗнӗ Шупашкар хулин ҫуралнӑ кунӗнче ҫӗршыври паллӑ хӑш юрӑҫ килессине пӗлтернӗ. Вӑл – Паскаль. Ытларах ӑна «Шелковое сердце» юрӑпа пӗлеҫҫӗ.

Ҫӗнӗ Шупашкар 62 ҫул тултарнине ҫурла уйӑхӗн 27-мӗшӗнче паллӑ тӑвӗҫ. Паскаль концерчӗ 18 сехет ҫурӑран пуҫласа 21 сехетчен пулӗ. Хула администрацийӗ куншӑн 366 пин тенкӗ тӳлӗ.

Сӑмах май, Паскаль Чӑваш Енре унччен те пулнӑ. Ун чухне те, 2013 ҫулта, вӑл Ҫӗнӗ Шупашкар хулин ҫуралнӑ кунӗнче юрланӑ.

 

Пӑтӑрмахсем
chuvashia.sledcom.ru сӑнӳкерчӗкӗ
chuvashia.sledcom.ru сӑнӳкерчӗкӗ

Ҫӗнӗ Шупашкарта ҫамрӑк арҫынна 6 ҫулти хӗрача ҫумне ҫулӑхнӑ тесе тытса чарнӑ. Ун тӗлӗшпе пуҫиле ӗҫ пуҫарнӑ. Тӗпчевҫӗсем ҫав этем ытти чух та ҫавӑн пек хӑтланса ҫӳремен-ши тесе шанмаҫҫӗ. Арҫын усал ӗҫ тунӑран шар курнисене пӗлтерме ыйтаҫҫӗ.

РФ Следстви комитечӗн Чӑваш Енри управленийӗнче пӗлтернӗ тӑрӑх, утӑ уйӑхӗн 31-мӗшӗнче Ҫӗнӗ Шупашкарта 6 ҫулти хӗрача хӑйӗн килӗнчен инҫе мар скверта выляса ҫӳренӗ. Ҫавӑн чухне ӑна ют арҫын тӗмсем хушшине астарса чӗннӗ. Унта вӑл ача ҫумне ҫулӑхнӑ.

 

Страницӑсем: 1 ... 35, 36, 37, 38, 39, 40, 41, 42, 43, 44, [45], 46, 47, 48, 49, 50, 51, 52, 53, 54, 55, ... 207
Orphus

Баннерсем

Шутлавҫӑсем

0 Хурал кӗтесӗ (чат)

Ҫанталӑк

Шупашкарта ҫывӑх вӑхӑтра (30.11.2025 15:00) тӗтреллӗ ҫанталӑк, атмосфера пусӑмӗ 757 - 759 мм, 1 - 3 градус ӑшӑ пулӗ, ҫил 2-4 м/ҫ хӑвӑртлӑхпа кӑнтӑр-хӗвеланӑҫ енчен вӗрӗ.

Гороскоп

СурӑхВӑкӑрЙӗкӗрешРакАрӑсланХӗрТарасаСкорпионУхӑҫӑТу качакиШывтӑканПулӑсем
Сурӑх: Пултарулӑхпа, психологипе е медицинӑпа ҫыхӑннӑ ӗҫ сире социаллӑ статуса ӳстерме пулӑшӗ. Парӑмсемпе, кредитсемпе, налуксемпе ҫыхӑннӑ ыйтусем татӑлӗҫ. Эсир укҫапа ҫыхӑннӑ ӗҫсене лайӑх пурнӑҫласа пыратӑр. Ҫутҫанталӑка тухни, шыв процедурисем, сывлӑха ҫирӗплетмелли массаж курсӗ тата спорт сывлӑха тата нерв тытӑмне лайӑх витӗм кӳрӗҫ.

Чӳк, 30

1892
133
Лява Платтунӗ, чӑваш сӑвӑҫи, ҫыравҫи, тӑлмачӗ ҫуралнӑ.
1906
119
Базанов Николай Петрович, Пӑрачкав сӑвӑҫи ҫуралнӑ.
1906
119
Бусыгин Николай Иванович, Пӑрачкав сӑвӑҫи, тӑлмачӗ ҫуралнӑ.
1918
107
Чӗмпӗрти РКП(б) губкомра чӑваш секциӗ йеркеленнӗ.
1926
99
Мулюков Геннадий Фёдорович, чӑваш таврапӗлӳҫи, вӗрентекенӗ ҫуралнӑ.
1967
58
Чӑваш патшалӑх университетне И.Н. Ульянов ятне панӑ.
2000
25
Патшалӑх Канашӗ Чӑваш Республикин Конституцине йышӑннӑ.
Пулӑм хуш...Пулӑм хуш...

Ыйтӑм

Чӑваш йӑли тӑрӑх хӑнана пынӑ арҫынна камӑн ӑсатмалла?
хӑнана ӑсатма никам та тухмасть
хуҫин ҫитӗннӗ ачисем
хӑни ҫулне ахаль те пӗлет, ӑсатмасӑр та
ӑсатма тухни — ҫылӑх, юрамасть
пӗтӗм кил-йышпа тухаҫҫӗ
кил-йышри арҫын
хуҫа тарҫи
хуҫа хӑй
хуть те кам тухсан та
хуҫа арӑмӗ